“As refinerías nacionais, como en anos anteriores, non puideron fornecer todos os produtos Petrolíferos que necesita o mercado nacional, debido a que non producen a gasolina de aviación e algúns outros produtos, como aceites brancos, determinadas clases de parafinas e outros produtos especiais”.
A Delegación do Goberno para o Monopolio de Petróleos incluía esta nota na apertura da súa memoria oficial do ano 1964. Previamente, facía referencia á entrada en funcionamento, en marzo dese ano, da Refinería de Petroliber en A Coruña, que cumprira “case con exceso”, tanto nos prazos para arrincar a actividade como na súa optimización para poder atender a cota de abastecemento que lle era asignada.
Cincuenta anos despois da implantación de Petroliber na Coruña, o global e o local técense no proceso De Mudanza de Repsol. Importantes decisións sobre a mesa para as que farán falta moito diálogo entre o institucional e o político coa cidadanía.
Pero cabe preguntarse, ata que punto somos conscientes das decisións que discorren entre o cotián? lembramos que pasou entón? somos conscientes do que implicará o que está a ocorrer agora?
